Terug na Indeks van Resepte MOROKAANSE HERDERSPASTEI
Bedien 6
Bestanddele:
- 1 kg KLEIN KAROO-volstruisvleis
- 2 eetlepels botter
- 1 wortel, gerasper
- 1 ui, gekap
- 2 - 4 eetlepels tamatiepureé
- 2 eetlepels tamatiesous
- 4 eetlepels rooiwyn
- 1 teelepel rissievlokkies
- 2 knoffelhuisies, gekap
- 2 teelepels gemaalde komyn
- 50 ml blatjang
- sout en gemaalde swartpeper
Vir bolaag:
- 6 aartappels, geskil en in blokkies gesny
- 4 stukke broccoli, in blommetjies gesny
- 60 g botter
- sout en gemaalde swartpeper
- grasuie na smaak
Metode: Voorverhit oond tot 180° C. Vir vleisbasis verhit botter in pan totdat dit skuim, en voeg ui
en maalvleis by.
Sauté 6 – 8 minute tot bruin. Voeg wortel, tamatiepureé en -sous, rooiwyn en rissievlokkies by en roer. Stel
temperatuur hoër en laat nog 2 – 4 minute vinnig prut.
Voeg knoffel, komyn en blatjang by, en geur na smaak. Laat 5 minute prut.
Vir die bolaag: Kook aartappels 6 – 8 minute in genoeg water. Voeg broccolistukkies by en kook nog
4 – 6 minute.
Dreineer. Druk aartappels en broccoli fyn, roer botter by en geur. Skep vleismengsel in gesmeerde oondskottel,
en daarna die fyngemaakte aartappels en broccoli bo-op.
Verhit tot kokend (ongeveer 20 minute). Garneer met grasuie.
- Tersia de Wet Terug na Indeks van Resepte
|
